本身中文底差到好多四字成語都唔識
基本上就考一次肥一次
無謂浪費金錢retake
拿拿聲打工出糧買心水書東山再起仲實際
仲有，我係知自己點死
所有怨言都係無用嘅spinning:
實用文卷U：建議書當報告寫，即係離題
閱讀理解E：一題練習都未操過，題題鳩答
聆聽理解E：客觀題中招揀哂干擾選項
口試D：小組討論唔識點樣達成共識
文化問題U：搞錯哂答題方向
關於最後一份卷，
文化問題連課外閱讀考查夾埋佔全科35%
當時我本文化專題textbook係缺頁，
成忽導論幾十頁無咗自己買書嗰陣唔知
因此，其他同學知天人合一呢個大方向，
得我唔知，仲以為份卷同通識無分別
睇嚟個天死都唔俾我入大學，
惟有搵另一條出路
教中文嘅大多文科人出身，
佢哋感性就係肯定嘅事
課外閱讀考查要寫3份閱讀報告
阿sir講明話要寫讀後感
明顯地，我informative嘅寫作風格，
完全唔啱閱卷人口味
好明顯，讀到中七都仲未識揣摩主子心意，
我就算負碌入到大學都好大機會畢唔到業
遲開竅同生得樣衰一樣，
都係跟一世嘅負資產嚟