八字基本上係小學數學程度, 同會考化學一樣, 都係加減乘除、比例、排列同埋tabulation.
八字範疇有深有淺, 而最簡單嘅占運應用就係排十神
講十神前, 首先講下六神
六神同十神相通, 而六神分別是:
我(日主), 生我(印星),同我(比劫),我生(食傷), 我剋(財星), 剋我(官殺)
印星代表你老母, 財星代表你老豆, 官殺代表你兒孫
無錯, 除非自己八字出生四柱多財星, 否則咪撚學人做老豆俾子女剋死
十神係日主以外嘅分類, 同六神唔同嘅係, 十神分 parity (陰陽之別)
根據日主陰陽, 十神排列如下 (留意日主同比肩永遠一樣):
以日主為甲為例, 甲為陽 (比肩), 故以天干甲乙丙丁戊己庚辛壬癸順序排, 可得:
比肩[陽], 劫財[陰], 食神, 傷官, 偏財, 正財, 七殺, 正官, 偏印, 正印
因此, 正印可以直接生比肩, 而由於天干相合本質為陰陽有情, 比肩與正財相合
以日主為乙為例, 乙為陰 (比肩), 故以天干甲乙丙丁戊己庚辛壬癸順序排, 可得:
劫財[陽], 比肩[陰] 傷官, 食神, 正財, 偏財, 正官, 七殺, 正印, 偏印
因此, 正印唔可以直接生比肩, 而由於天干相合本質為陰陽有情, 相合對象取決於日主陰陽, 比肩與正財無法相合, 反而比肩與正官相合, 因此論十神相生時要格外對parity留神
至於十神誰剋誰, 係陽陽之間同陰陰之間嘅事, 與日主陰陽無關,
所以傷官永遠剋正官, 偏印永遠剋食神, 如此類推